Ինչպե՞ս Կահավորել Երեխայի Սենյակը

Երեխայի ներդաշնակ զարգացման և  լիարժեք հանգստի համար պետք է ստեղծել մի միջավայր,

որտեղ նա  քնելուց  և հանգստանալուց զատ, կկարողանա նաև խաղալ,

կատարել տնային աշխատանքները, ստեղծագործել, զբաղվել սիրելի հոբբիով:

Այդ իսկ պատճառով, երեխայի սենյակը  կահավորելիս պետք է հաշվի առնել ցանկացած մանրուք՝ 
գույների ընտրությունից  մինչև կահույքի ֆունկցիոնալություն:

Գույներն ընտրելիս ցանկալի է առաջնորդվել երեխայի ճաշակով և նախասիրություններով:

Կահույքի ընտրությունը կատարելիս հարկ է հաշվի առնել ֆունկցիոնալությունը, անվտանգությունը, էրգանոմիկան:

Ֆունկցիոնալություն

Կահույքը պետք է բաղկացած լինի  հարմարավետ մահճակալից, տարողունակ զգեստապահարանից,  
դարակներից , գրասեղանից: Մնացածն՝ ըստ անհրաժեշտության:

Անվտանգություն

Սենյակը  կահավորելիս պետք է ընտրել էկոլոգիապես մաքուր նյութեր, խուսափել
սուր անկյուններով կահույքից: Վտանգավոր են սահող հատակն ու գորգերը:

Էրգանոմիկա

Երեխայի  կեցվածքի ճիշտ  ձևավորման համար կարևոր են ստանդարտներին
համապատասխանեցված սեղաններն ու աթոռները: Մահճակալը  ևս պետք  է
լինի հարմարավետ և ապահովի երեխայի առողջ քունը:

Միաժամանակ Պետք է ապահովել  սենյակի ոչ միայն ընդհանուր, այլ նաև բնական լուսավորությունը:
Աշխատասեղանը տեղադրել պատուհանի մոտ:

Եվ վերջում

Որպեսզի երեխան սիրի իր  փոքրիկ անկյունը, սենյակը կահավորելիս բավականաչափ
ազատ տարածք թողեք խաղերի համար, որը կնպաստի նրա մտավոր և ֆիզիկական աճին ու զարգացմանը: